وضربتين بالراس توجع وانت فقعت راسي !!!

أنا ببتعد عنك وبطلع من حياتك
همومي كثيرة وماابقى اتعبك
كفايه اللي فيك وماابقى ازيد همك
لاتقول مااستغني عنك
طلبتك شلني من راسك
وخلني لحالي وروح في طريقك
صحيح مااقدر انساك لكن تكفيني ذكراك

الغريب انك تفرح بجرحي
للدرجه هذي جروحي تسليك
وتحب تشمت العذال فيني
تحب تهزئني عندهم توريهم قوتك
لا والف لا ماعاش اللي يهيني
وينزل كرامتي وسكوتي احترام لك
ومن اليوم نفسي عافت طرياك
احب أعيش بشخصيتي ومااعيش تحت مذلتك

من طبعي الكتمان والشكوى لله
ماعمري شكيت لاي أنسان كان
ألملم جروحي بنفسي ويصبرني الله
وشكواي لله سبحانه اللي ماتغمض له عين

أحبك وكلمة احبك ماتفارق شفاتي
من أشوفك اقولك احبك حتى السلام نسيته
دوم الحروف الاربعه معك ملازمتني
ومن كثر مااقولك احبك حتى اسمك نسيته
طلبتك حبيبي ترفق بي تراك ذوبت قليبي
حبك حسسني بالامان وقليبك جعلي ماافقده

دايم عاتبي يزعلك ويقهرك
مدري عتابي بحقك جريمه
ماتدري انه النفوس تتصافى بعتابي وعتابك
ودايم عتابي يسوي لك قضيه
ليه ماتحب عتابي وهو في صالحك
انا طبعي صريحآ واحب أواجه

أنت غلاي وكل الغلا
قد ماقلت مااوفيك حقك
اوصافك مثل النجوم بالسماء تتلألا
وافعالك ترفع الراس وهذا من طيب أصلك
دوم افتخر فيك قدام الملأ
وسعادتي يوم اشوف الناس يهنوني فيك

أنا شاريك وشاري قلبك
وراحتي ياقلبي من راحتك
وماني متحسف على وقتي معك
انت حلى أيامي وقلبي حلالك

التصنع بالاطباع ماهي من افعالي
طبعي واضح واسلوبي اهو دليلي
لاتتهمني وتتبلى علي تراها ماهي صفاتي
كان قصدك تشوه صورتي
تراك غلطان وماتقدر تغير حياتي
هذا اسلوبي وتطبعت عليه وماتلقى امثالي
والشرهه ماهي عليك الشرهه فتحت قلبي لك
وتوني دريت أنك ماتستاهل حبي
انا تندمت بمعرفتك ومن اليوم منت في بالي
خلاص ماعاد ينفع اعتذارلك لي
وضربتين بالراس توجع وانت فقعت راسي !!!